Sapata Ni Ilukki

Nion ma hape porsuk ni ngolu na ikkon jaloon hu.Disasude harapan nagabe impianku nagabe sundat alani keadaan na so maloas ahu mandai lomo ni rohakku.

Tung godang ma hape na mangambati lakkakku,atik pe nian dang nagabe putus asa ahu disi.Holan sada do nian pangidoanhu tu Tuhani,ipe tiap ari do hujalo i.Ai molo magoi sian ngolu-ngolukku mungkin tung lambas ma lakkakku mandiori ngolu-ngolu i ganup ari i.

Sipata tumatangis do ahu tikki huida dirikki dang boi leluasa mangalakka holan alani " i ".Sipata di borngini markassa ahu hutiop bohikki , manetek ma ilu-ilukki.Dang na hutinggalhon habonaron i hape las songonon do hape bagianki.Sadar do ahu nian,dang marlapatan na hu ulahon ai molo sai marsungut-sungut i hangoluaki.Ale memang tung massai masihol do ahu mangarasahon aha na di rasahon jolma kebanyakan,holan i do lungun na paling balga na manguras tenagakki.

Sian songoni kaluargakku na berantakan alani Warisan dohot Ginjang Ni Rohai, ai gabe marsikkor ma hami hape pinompar ni siagian sian bapa sian songoni da inangi.

Tung masihol do ahu nian manjou oppung,manang namboru,manang uda,manang bapa tua, hape las so hutanda do halaki.Gabe hera Sebatangkara ma hape hami sian keluarga natua-tuakki..Manetek ma hape muse ilukki molo hubereng keluarga ni dongan-dongan i na boi marlas ni roha jala marsiurupan iganup ari i.

Sian songoni gabe minder ma hape ahu mangida siboru dibahen hapogosan dohot bekgroun kaluarga tarlumobi keadaanki.Ai gabe ikkon tahu diri nama ahu tu keadaan na mambahen ahu mambatasi keinginanki.

Dang nagabe kaluar ahu sian dalan ni Tuhani nian.Dang nagabe so ahu nian mandalani ngolu-ngolukki,ale tong ma alani "i" gabe dang leluasa ahu manapaki ari-ari i.

Naeng ma nian mulak majo ahu tu masa dakdanaki,naso mamboto dope porsuk ni ngolui, asa boi jo ahu mekkel satokkin manikmati ari-arion.

Hape saonari nalaho matua namahape dagingki,hape dang dapot ahu dope sinitta ni rohakki,nanggo huida akka abang-abangki sohot sada-sada,asa hubereng majo akka anak-anak nai.Dung songoni nagabe sonang ma rohakki maninggalhon portibion.

Ai tung massai hatop ma hape masa magodanghi laho,gabe hatop ma hape muse matua ahu dihasonangoni.

Jesus...minta maaf ma ahu tu Ho,ale memang tung massai maol do nian hupahami dalan na disediahon-Mi mangatasi sasude masalahki.Naeng ma nian boi Hita pajumpang asa boi majo nian patorangan-Mu dalan na tuma tikkos jala jenges na binahen-Mi.

Unang ma nian be sai maraburan ilukki,unang ma nian be adong late ni roha dingolukki,unang be nian adong ginjang ni roha di utok-utokki.Ale pe memang dang hea olo ahu mangulahoni.

Molo huingot pargaulanhu na saonarion,tung denggan do nian dibagas ni rohakki.Dang nalaho marmeam-meam be ahu nian Tuhan,Nungnga matua dagingki, nungnga tung masihol ahu mangulahon songon na di Roha-Mi.